Shaam-e-Fursat Dhalay

Shaam-e-Fursat Dhalay, Hum Nahi Chahate,

Ghum Say Fursat Milay, Hum Nahi Chahate

Phir Naya Waar Sehne Ko taiyyar Hain,

Tu Parayshan Rahay, Hum Nahi Chahate

Aaj Aansoo Bahanay say, Mut Roko,

Aaj Barish Thumay, Hum Nahi Chahate

Hum Teray Baad Ujray Hon, To bhi Theek Hai,

Ab Kahin Dil Lagay, Hum Nahi Chahate

Teray Pekar Ko Ham Dekhte Hi Rahein,

Tu Nazar Say Hatay, Ham Nahi Chahate

Kis Qadar Dil Nasheen Hai Ye Moujon Ka Shor,

Ghum Ka Dariya Ruke, Ham Nahi Chahate

Iss Qadar Piyar say Tu Pukara na Kar,

Aag Dil Ko Lagay, Hum Nahi Chahate