Shaam Ke Surmai Andheron Mein

 

Shaam Ke Surmai Andheron Mein 

Yun Mere Dil Ke Daagh Jaltay Hain 

Jaisay Parbat Ke Sabz Pairron Par 

Barf Ke Baad Dhoop Parti Hai 

Jaisay Sehra Ki Rait Urr Urr Kar 

Ajnabi Ka Tawaf Karti Hai 

Door Reh Kar Jo Dil Mein Rehta Hai 

Woh Situm Gar Bhi Ghair Kehta Hai 

Kitni Masoom Arzoo'on Ko 

Es Tarah Log Tor Jatay Hain 

Jaisay Dam Tortay Musfir Ko 

Qaafilay Waalay Chorr Jatay Hain 

Aahain Bharta Hoon Ashk Peeta Hoon 

Roz Marta Hoon Phir Bhi Jeeta Hoon 

Teri Yaadon Ki Tishnagi Abb Tak 

Yun Meray Dil Ko Thaam Leti Hai 

Jaisay Ik Taza Qabar Par Bewa 

Marnay Walay Ka Naam Leti Hai