Sang dil hay woh tou

Sang dil hay woh tou kyoun is ka gila main ne kia

Jab k khud pather ko butt..butt ko khuda main ne kia

Kaise na'manoos lafzon ki kahani tha woh shakhs

Us ko kitni mushkilon se terjuma main ne kia

Woh meri pehli muhabbat woh meri pehli shikast

Phir tou paimaan e wafa so mertaba main ne kia

Hon saza'waar e saza kyoun jab muqadder mein mere

Ju bhi us jaan e jahaan ne likh dia main ne kia

Woh thaherta kya k guzra tak nahin jis k liye

gher tou gher her raasta aa'raasta main ne kia

Mujh pe apna jurm Sabit ho na ho lekin Faraz

Loog kehte hain k us ko bewafa main ne kia