Abr-e-baaran k iraaday bhi

 

Abr-e-baaran k iraaday bhi pur-asraar se hain,

Aaj barsay gi ghatta khul k ye aasaar say hain.

Log atay hain thehartay hain chalay jatay hain,

Apnay halaat bhi ujrhay huay bazaar say hain.

Wo agar chahay tou day sharf-e-mulaqat mujhay,

Sb umeeden meri waabesta meray yaar say hain.

Ye zruri to nahin jeet musarrat bakhshay,

Aisi khushian b hain milti jo sirf haar se hain.

Sar ba-kuf ho k tere koochay ko chal nikla hun,

Azm tou pakkay,mgar rastay dushwaar se hain.

Asma Lahore